RRETH BLETARI ELEZI
Ferma e Bletëve Elezi është vendi ku do të gjeni produktet më cilësore të bletës. Me një eksperiencë të gjatë në fushën e bletarisë, Bletari Elezi e nisi veprimtarinë e saj vite më parë duke pasur si synim shitjen e produkteve të bletëve 100% naturale dhe bio.
Ne prodhojmë mjaltë të një kualiteti të lartë, qumësht blete, propolis, pomadë propolisi, dyll, polen, etj.
Të gjitha produktet janë 100% naturale dhe bio të pasura me elementët më të lartë organik (proteina, vitamina, aminoacide ) që shërbejnë jo vetëm si burim i pasur ushqimor, por kanë edhe vlera kurative për sëmundje të ndryshme, si dhe vlera të larta antioksiduese dhe anti-inflamatore.
MJALTI
Mjalti është lëng i trashë dhe i ëmbël me ngjyrë qelibari, që e bëjnë bletët nga nektari i luleve. Nektari është burimi kryesor i karbohidrateve të cilin bletët e shndërrojnë në sheqer, glukozë dhe fruktozë. Mjalti përmban mbi 15% ujë, bletët në zgjua e mbulojnë me dyll i cili e mbron nga lagështia dhe prishja. Mjalti gjithashtu përmban minerale, aminoacide, acide organike si p.sh acidi i thneglës, acidi i mollës, acidi i limonit dhe pigmente pastaj derivate të klorofilit dhe komplekse të vitaminës B. Mjalti i malit që ka ngjyrë të errët përmban 13 herë më shumë minerale se mjalti i luleve është i pasur me hekur. Vlera e mjaltës është, jo në sasinë e tepërt të sheqernave (76% karbohidratet) , por në efektet e tij biologjike, p.sh. mikroelemente, enzimat dhe fermentet. Bioefektet, enzimat dhe materiet eterike ruhen më së miri në mjaltë.
Më shumë Informacione rreth Mjaltit
QUMËSHTI I BLETËS
Qumështi i bletës prodhohet nga gjëndrat e bletëve punëtore, shërben për të ushqyer larvat gjatë tri ditëve të para si dhe për të ushqyer mbretëreshën gjatë gjithë kohës së rritjes së saj. Qumështi i bletës ka ngjyrë të bardhë në të verdhë, është si krem, ka shije të thartë dhe pak aromë. Është tonik, energjik, antiseptik (kundër mikrobeve), etj. Ai jep efekte pozitive për shëndetin dhe mund të përdoret edhe për maska bukurie. Qumështi i bletës rrit imunitetin, shton oreksin, forcues, stimulon rritjen, dhe përmban faktorë antibiotik kundër baktereve, si Escherechia Coli. Është ideal në çdo moment kur keni dobësim trupor për arsye të ndryshme, kur keni kaluar stres, kur bëni aktivitete të forta fizike, kur nuk ushqeheni mirë, madje edhe nëse keni kaluar apo jeni duke kaluar ndonjë infeksion të çdo shkalle.
Më shumë Informacione rreth Qumështit të Bletës
PROPOLISI I BLETËS
A e dini se propolis blete prodhohet nga bletët? Bletët nuk prodhojnë vetëm mjaltë. Gjithashtu, prodhojnë një përbërje, të quajtur propolis, nga lëngu i bimëve halore ose bimëve me gjelbërim të përhershëm. Kur ato kombinojnë lëngun me shkarkimet dhe dyllin e tyre, ato krijojnë një produkt ngjitës, kafe në të gjelbër që përdoret si një shtresë për të ndërtuar kosheret e tyre. Ky quhet Propolis blete. Propolis blete mendohet të ketë veti antibakteriale, antivirale, antifungale dhe anti-inflamatore. Propolis përdoret për diabet, plagë, ënjtje (inflamacion) dhe plagë brenda gojës (mukoza orale). Përdoret gjithashtu për djegie, herpes gjenital dhe gjendje të tjera, por nuk ka dëshmi të forta shkencore për të mbështetur këto përdorime.
Më shumë Informacione rreth Propolisit të Bletës
POMADA ME PROPOLIS
Shkenca ka konfirmuar se Propolisi ul qëndrueshmërinë dhe i vret mikroorganizmat, viruset dhe kërpudhat, duke vepruar si anestezik lokal, ai ndalon dhe qetëson pruritin. Propolisi duket se ndihmon në luftën kundër baktereve, viruseve dhe kërpudhave. Mund të ketë gjithashtu efekte anti-inflamatore dhe të ndihmojë në shërimin e lëkurës. Propolisi është rrallë i disponueshëm në formën e tij të pastër. Zakonisht merret nga koshere bletësh. Rekomandohet në :
Plagë që nuk shërohen; Sëmundje të ndryshme të lëkurës; Humbjen e flokëve në formën e pullave; Infeksione fungale të lëkurës (infeksione mykotike); Pyodermit dhe seborrhea; Epidermofite (sëmundje fungale të thonjve); Djegie të ndryshme; Çarje sipërfaqësore dhe hemorroide të jashtme; Efekte në qetësimin e kollës.
Më shumë Informacione rreth Pomadës me Propolis
